ماعندك رصيد بالجوال وتبي تكلم ضروري

ماعندك رصيد بالجوال وتبي تكلم ضروري ؟؟

إليـك الحـل يا صاحب الشريحه مسبقة الدفع :





تخيل تبي تجري مكالمه ضروريه ضروريه جداً , ويوم تدق يطلع لك " نأسف لاتستطيع إجراء هذه المكالمه لعدم توفر رصيداً كافي في حسابك" ..

ويوم تستعلم عن الرصيد يطلع لك 00.00 ريال ..

ياحوووووول وش تسوي تبي ترسل كول مي إلا ماعندك ولا كول مي يعني بالعربي شافطهن كلهن الثلاثه ..

وبعدين ؟؟

والحل ؟؟

فجأه تبي تروح للبقاله عشان تشحن طبعاً البقاله بعيده , تلقى السياره منصلخ كفرها << لاتسألني وشلون هههههه ..

أدري طولت عليكم ولعبت بمشاعركم الجيّاشه ..

الطريقه عندي بس رجاءاً لاتعلمون أحد يعني السالفه بيني وبينكم لاتطلع لأحد "سري للغايه" ..

- قل بسم الله ثم إمسك جوالك بيدك اليمنى ..







لعملاء [الإتصالات]





- إفتح رساله نصيه جديده ..

- تكتب بنص الرساله هذا الرقم : (1055)

- ترسله للرقم (902)

.........................................................................





لعملاء [موبايلي]



- إفتح رساله نصيه جديده ..

- تكتب بنص الرساله : ("زيادة" أو "extra")

- ارسل الرساله إلى الرقم (1100)



........................................................................



لعملاء [زيـن]







- إفتح رساله نصيه جديده ..

- ارسل الرساله فارغه إلى هذا الرقم (700500)



...........................................................................



بعـد هذا وبعد ثواني معدوده

وفجأه


تلقى جوالك فيه رصيد 5 ريالات طبعاً مايطلع لك إن فيه رصيد لكن لما تتصل على أي رقم يدق معك عاااادي وينخصم الرصيد اللي طلبته ولما تستعلم يطلع لك -5 سالب خمسه ..

وكل مازدت الرصيد يزيد عدد السوالب ..

يعني تقدر تتصل على كيفك وتزيد الرصيد ..

يعني الموضوع "طلب سلفه" من الشركات ..

بس لاتفرحون لما تشحنون الجوال راح يخصمون المبلغ اللي تسلفته ..

وانا من رأيي إن هالخدمه رهيبه جداً للي متعلق او منقطع او عنده أمر ضروري ..


مثال ,, لو قام عميل بطلب رصيد طوارى وبعد كم يوم شحن بـ 30 سيتم اضافة مبلغ 25 ريال بدل 30 وهي تعويض لرصيد الطوارى



وألحين للمنقطعين جربوا وعطوني رأيكم ..